Musikaze ye’l to sitiu pa conocer, sentir y ver música. Una música multicultural, ecléctica y cosmopolita; un llugar onde atopar lo que busques y sorprendete colo que nun cuentes, onde esplorar la música de cualquier país, de cualquier estilu musical.

En Musikaze pues sentir canciones y ver vídeos, sintonizar [1] Musikaze Radio, informate sobre [2] festivales, tar al día de los [3] conciertos de la to provincia y de los más llonxanos, de l’[4] actualidá del panorama musical, descubrir nuevos [5] grupos, lleer [6] fanzines y revistes musicales, consultar catálogos de [7] sellos discográficos, comprar discos, alquirir les entraes pa los tos conciertos... Podrás vivir la música dende casa y acercate a la música en vivu.

En Musikaze yes tu’l protagonista. Creando la to llista de favoritos colos tos temes y artistes preferíos podrás siguir de cerca la música que de verdá te presta ya interesa.

Equí son los propios músicos y profesionales de la música los que publiquen directamente les noticies, anuncien conciertos, venden entraes, xuben les sos canciones y fotos, o venden los sos discos.

Ye, poro, una oportunidá pa ellos pa dar a conocer el so trabayu, pa promocionar el so grupu, festival, sellu discográficu o publicación musical, pa compartir la so música, llegando al públicu ensin intermediarios, preferencies nin partidismos.

La nuestra intención ye la d’axuntar nun espaciu común a la xente’l mundu la música:

• artistes,  consagraos y amateurs
• promotores de conciertos y festivales de música de tolos estilos
• editores de publicaciones musicales
• dueños d’estudios de grabación y de sellos discográficos
• productores, managers, tiendes de música, músicos profesionales
• ... y por supuestu a vosotros y vosotres, a tolos y toles que vos presta la música

Los sitios musikaze son el puente de comunicación ente los músicos y el so públicu.

Cada sitiu musikaze ye una potente ferramienta de publicación de conteníos cola que da-y puxu en Musikaze a los tos conciertos, noticies, discografía, etc, o simplemente enllazar cola to web oficial. Si entá nun tienes de web oficial, el to sitiu musikaze pue convertise nuna completa web profesional con tolos servicios: venta online d’entraes y de discos, reproductor de mp3, preséu pa ver videos, galeríes de fotos, foros, datos de contactu... Too ello ensin necesidá de disponer de hosting nin dominiu propios y d’una forma increíblemente senciella y cómoda. Tan fácil como escribir nun blog.

Y cola ventaya d’apaecer nes llistes de Musikaze.

El públicu nun solo tien de forma senciella información actualizada y de primer mano, sinón que tamién pue espresar la so opinión comentando les noticies, criticando los conciertos o participando nos foros.

Musikaze tien l'envís de convertise nun gran catálogu de tou tipu música, onde tean los artistes más llonxanos y dispares, les nueves tendencies y los ritmos d'antaño, la música de nueva ola y la tradicional, los artistes de vanguardia y los clásicos de siempre, los más variopintos estilos: dende'l rock hasta los coros vocales, dende la música africana a la llatina, pasando pol pop, el folk, el jazz, el funk, el rap...

Queremos facilitar l'accesu a la rede a artistes de tolos requexos del planeta, convertinos nuna referencia d'información musical  permanentemente actualizada del panorama internacional, ser un llugar de cita obligada cola música.

¿A qué esperes pa empezar? [1] Entra, esplora, que te preste.