El CONCIERTU POLA TRADICION, organizáu pola Plataforma en Defensa de la Música Tradicional Asturiana, va celebrase nel Teatru Filarmónica (Uvieu, Asturies) el vienres 16 de payares de 2007, y van participar en él destacaos grupos y músicos asturianos relacionaos con el folclor y la música tradicional asturiana.

Actuarán los grupos Tuenda, Verdasca, Skanda, Tejedor y Nuberu.

Y cuntará amás cola participación de:

Corri Corri de Arenas de Cabrales, la Banda Gaites "Villaviciosa - Sidra El Gaitero", Muyeres, Verdasca, Mari Luz Cristóbal Caunedo, Hermanos Valle Roso, Héctor Braga, Toli Morilla, Chus Pedro, Anabel Santiago y Xuacu Amieva.

Tará presentáu por Milio del Nido y el preciu de la entrá ye de 10 €. Tamién se podrán comprar tickets de fila cero a 3 €. La recaudación del I CONCIERTU POLA TRADICION dirá pa pagar la conderga de 8000 euros al discu de música tradicional ENCOPLANDO (Fonoastur-2004).

Tenéis les 2 sentencies d'ésti vergoñosu procesu xudicial publicaes íntegramente en http://groups.google.com/group/platmusicatradicionalasturiana
La sentencia 1 foi resultáu de les 3 primeres vistes del xuiciu, y la sentencia 2 foi el resultáu de la apelación na Audiencia Provincial.

Pa facer más donaciones fila 0, nº cuenta CAJASTUR:

2048 0010 12 0300276298

Puntos de venta entraes y tickets fila 0:

CASA POSAFUELLES & CÁ BELEñO (Uviéu), CÁ BELEñO & TRISQUEL (Xixón), CAFETON (Avilés), CAFÉ HABANA (Mieres)