Musikaze é o teu sitio para coñecer, escoitar e ver música. Unha música multicultural, ecléctica e cosmopolita; un lugar onde atopar o que buscas e sorprenderte co que non che esperas, onde explorar a música de calquera país, de calquera estilo musical.
En Musikaze podes escoitar cancións e ver vídeos, sintonizar [1] Musikaze Radio, informarte sobre [2] festivais, estar ao día dos [3]concertos da túa provincia e dos máis afastados, da [4] actualidade do panorama musical, descubrir  novos [5] grupos, ler [6] fanzins e revistas musicais, consultar catálogos de [7] selos discográficos, mercar discos, adquirir entradas dos teus concertos... Poderás vivir a música dende casa e achegarte á música en vivo.

En Musikaze ti es o protagonista. Creando a lista dos teus favoritos cos teus temas e artistas preferidos poderás seguir de cerca á música que realmente te interesa.

Aquí son os propios músicos e profesionais da música dos que publican directamente as noticias, anuncian concertos, venden entradas, soben as súas cancións e fotos, ou venden os seus discos.

É polo tanto unha oportunidade para eles de dar a coñecer o seu traballo, de promocionar o seu grupo, festival, selo discográfico ou publicación musical, de compartir a súa música, accedendo ao público se intermediarios, preferencias nin partidismos.

A nosa intención é reunir nun espacio común á xente do mundo da música:

• artistas, tanto consagrados como amateurs
• promotores de concertos e de festivais de música de tódolos estilos
• editores de publicacións musicais
• propietarios de estudios de gravación e selos discográficos
• productores, managers, tendas de música, músicos profesionais
• ...e por suposto a vos, entusiastas da música

Os [1] sitios musikaze son a ponte de comunicación entre os músicos e o seu público.

Cada sitio Musikaze é unha potente ferramenta de publicación de contidos coa que promocionar en Musikaze os teus concertos, noticias, discografía, etc, ou simplemente enlazar coa túa web oficial. E se aínda non dispós de web oficial o teu sitio Musikaze pode converterse nunha completa web profesional dotada de tódolos servicios: venda online de entradas e discos, reproductor de mp3, visualización de vídeos, galerías de fotos, foros, datos de contacto... Todo iso sen necesidade de dispoñer de hosting nin dominio propios e de unha forma incriblemente sinxela e cómoda. Tan fácil como escribir nun blog.

E coa vantaxe de aparecer nas listas de Musikaze.

O público non só obtén facilmente información actualizada e de primeira man, ademais pode expresar a súa opinión comentando as noticias, criticando os concertos ou participando nos foros.

Musikaze preténdese converter nun gran catálogo de todo tipo de música, onde teñan cabida os artistas máis remotos e dispares, as novas tendencias e os vellos ritmos, a música de nova ola e a tradicional, os artistas de vangarda e os clásicos de sempre, os máis variados estilos: dende o rock ata os coros vocais, dende a música africana á latina, pasando polo pop, o folk, o jazz, o funk, o rap...
Queremos facilitar o acceso á rede a artistas de tódolos recantos do planeta, converternos nunha referencia de información musical, permanentemente actualizada do panorama internacional, ser un lugar de cita obrigada coa música.
A que esperas para empezar? [1] Entra, explora, divértete.