Pablo Carrera González , nacíu na Pola Llaviana´l 15 Febreru de 1986 , introdúzse nel mundu de la gaita asturiana con 11 años de mano d´Hector Cuello (gaiteru y guitarrista) sigue los estudios na Escuela Municipal de Música de Llanera, onde estudia llinguaxe musical y música tradicional. Más tarde enfótase en dir a clas col gaiteru Jose Manuel Tejedor. Formó parte de la Banda Gaites Fonte Fuécara de Llanera colos que participa en festivales, Moaña, Gwengamp, Bretaña, ente otros. Fue durante mas de diez años gaiteru de buen númeru de grupos de baile d´Asturies. Campeón de multitud de concursos de gaiteros.
CONCURSOS, PREMIOS Y RECONOCIMIENTOS.
Cortina (Llaviana) 2004.
Memorial Chema Castañón (Mieres) 2006
La Nueva (Llangréu) 2007,2008, 2009 y 2010
Concursu y Muestra de Folklore Ciudá d’Uviéu nel apartáu de Renovación de la tonada componiendo les canciones pa Marisa Valle Roso. 2008 y 2009
Concursu d’Amieva, apartau renovación de la tonada. 2009
Noega (Xixón) 2008 y 2009
Subcampeón nel troféu Maccrimmon de Lorient (Francia) 2009
Premiu AMAS nel apartáu de meyor gaiteru revelación. 2009
Trofeu gaiteru Llibardón (Colunga) 2010
Concurso internacional de música folk (Cantabria) 2011
Enguedeyu de bronce. (Llangréu) 2011
Pablo Carrera actualmente ye gaiteru oficial nel concursu de tonada de Samartín del Rei Aurelio, nel concursu p´aficionaos de la canción asturiana na asociación de vecinos Santa Marina y nel concursu “Cuenca del Caudal” (Mieres). Tamién trabaya como profesor de gaita na Asociación folklorica "Reija" de Llangréu y na escuela municipal de música de Parres. Dirixe´l cuerpu de gaites na banda conceyu de Llangréu y forma parte de la banda del reconocíu artista marroquí Med Jbara. Principal responsable del grupu folk Duerna. Director de l’agencia de representación y producción discográfica “Producciones a mansalva”. Realiza trabayos d’investigación folclórica na cuenca del Nalón e intervien como gaiteru nel programa “Sones” de TPA (Televisión del Principau d’Asturies).
