Musikaze.com

» Grupos » Verdasca » El Grupo

Regístrate aquí
  • Localización: Posada de Llanera, Asturias (ESPAÑA)
  • Fecha de Formación: Febrero 2006
  • Estilo(s) musical(es): Folk, Traditional Folk, World, Traditional Folk
  • Influencias: Felpeyu, Tuenda, DRD, Llan de Cubel, Llangres, Corquiéu, Blima, LAU, Frigg, Dervish, Pennou Skoulm, Berrogüetto, Gordon Duncan, Michael McGoldrick, Lúnasa, Solas, Gwerz, Fred Morrison, Sharon Shannon, Flook!, La Bandina'l Tombo, Mariluz Cristóbal Caunedo, Hedningarna, Jean-Michel Veillo, Música Tradicional d'Ayande, músicos tradicionales asturianos y munchos más...
BIOGRAFÍA

 

Verdasca surde en xineru de 2006 de la xuntanza d´un grupu de músicos mozos procedentes de la Escuela Municipal de Música de Llanera y la Banda de Gaites "La Raitana". Basen el so repertoriu na reellaboración de música tradicional asturiana, anque tamién igüen composiciones del grupu.

En xunetu de 2007 espublicen la so primer maqueta discográfica,compuesta por una selección de cuatro pieces del so repertoriu onde espeyen el trabayu que llevó a cabu´l grupu durante esi primer añu de trabayu, asina como la propuesta musical que quieren desendolcar.

N´agostu de 2007 formen parte de la Delegación Asturiana nel Festival Intercéltique de Lorient, onde llogren el segundu puestu nel Trophée de Musique Celtique “Cidrerie du Terroir”.

En 2008 algamen el primer premiu nel Concursu y Muestra de Folclor "Ciudá d´Uviéu", troféu "Igor Medio y Carlos Redondo" de la modalidá de grupos de folk.

En febreru de 2009 Verdasca recibe´l premiu AMAS como Grupu Revelación del añu 2008. Pocu dempués, entra a formar parte del grupu el vigulineru llaniscu José Cotera, que sustitúi a Llorián García.

A lo llargo d´esti mesmu añu, el grupu fizo diverses apaiciones televisives na TPA (Televisión del Principáu d´Asturies) en programes como “Pieces”, “Nós” o “Camín de Cantares”.

Verdasca tien actuao nun gran númberu d´escenarios per toa Asturies, amás de visitar otros llugares d´España, como Alcobendas, Ourense o Barcelona. Tamién participó en festivales del extranxeru como´l Festival Intercéltique de Lorient na Bretaña Francesa o´l Festival Ethnosuoni y la Festa Internazional de la Zampogna de Scapoli, los dos n´Italia.

A finales de 2009 espublicen col sellu “Tierra Discos” el so primer trabayu discográficu, “D´abéu”, grabáu y mezcláu ente los meses de setiembre y avientu nos estudios “Tutu” de Los Campos (Corvera) pol técnicu de soníu Sergio Rodríguez, que tamién collabora en dellos temes col baxu eléctricu.

El discu, que cuenta cola producción del músicu Lisardo Prieto (Felpeyu) y el diseñu gráficu de Ruma Barbero (Felpeyu), ta compuestu por 12 cortes, nos que´l grupu ufierta la so propuesta musical, basada nun folk d´instrumentación acústica que trabaya fundamentalmente na reellaboración de la música tradicional asturiana, ensin escaecer la composición. Asina, en D´abéu podemos atopar sones d´arriba, tonaes, valsiaos, dances, saltones o muñeires, amás de dellos temes de composición propia de los componentes del grupu, onde éstos espeyen la so particular visión de la música tradicional asturiana, asina como les sos distintes influencies musicales, tanto del folk como d´otros estilos.

Nesti primer discu, Verdasca cuenta cola collaboración como lletristes de los poetes Pablo Texón (En Cel.lero´l corazón) y Miguel R. Monteavaro (Entre ríos y entre soutos), con lletres escrites na variante ayerana de la llingua asturiana y en gallego – asturiano, respeutivamente. Con esti últimu cantar, Verdasca foi finalista nel “V Premiu Meyor Cantar n´Asturianu” qu´entrega la Conseyería de Cultura del Principáu d´Asturies.

Cola salida al mercáu de “D´abéu”, Verdasca pretende afitase como una propuesta fresca, seria y novedosa nel panorama folk asturianu.

En xineru de 2011, Verdasca presenta la so nueva formación cola incorporación de la cantante María Fidalgo y'l guitarrista Moises Suárez, en sustitución de Marina Pangua y Andrés García, respeutivamente.

 



COMPONENTES

María Fidalgo

MARÍA FIDALGO

Vocalista

Sara Fernández

SARA FERNÁNDEZ

Bodhrán, Cajón Flamenco, Percusión

Moisés Suárez

MOISÉS SUÁREZ

Guitarra Acústica

José Cotera

JOSÉ COTERA

Bouzouki, Violín

Andrea Joglar

ANDREA JOGLAR

Flauta, Gaita

Rodrigo Joglar

RODRIGO JOGLAR

Acordeón, Coros

Próximos Conciertos »

(no hay conciertos disponibles)


Twitter

Facebook